انت عمرى

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

احلى منتدى واحلى شات حب انت عمرى


    انواع الشباب على الويب

    شاطر
    avatar
    بوسي كات
    عضو مميز
    عضو مميز

    مزاجى :
    البلد :
    انثى الدلو التِنِّين
    عدد المساهمات : 175
    نقاط : 628
    السٌّمعَة : 2
    تاريخ الميلاد : 17/02/1988
    تاريخ التسجيل : 11/06/2010
    العمر : 29

    انواع الشباب على الويب

    مُساهمة من طرف بوسي كات في الجمعة يوليو 30, 2010 12:50 am

    المرحلة الأولى : ( الي يدوبك لسه متعلم يدخل نت)...


    طبعا العمر يتراوح من 23الى ما فوق ... وتلاقيه اول ما يدخل هاي ممكن
    نتعرف انا فلان ومن الحته الفلانيه وتحسي ان فيه حنفيه معلومات اتفتحت
    واي حاجة تقوليهاله يقولك يعني ايه مش فاهم وبعد كل كلمة يقولك اصل
    انا لسه جديد في النت

    والنوعية دي تنقسم
    لقسمين :
    1- يا اما متحمس وحط ف دماغه موضوع النت وعايز يتعلم
    2- يا اما سمع من صحابه عن النت والبنات وجاي يجرب حظه

    المرحلة الثانية: ( الي بيقعد على النت بس مش
    كتير)
    النوع ده كل كلامه انا مشغولياتي كتير ومبحبش النت والكلام ده وبعد ما
    يكلم شوية يقولك ممكن نكمل كلام في التليفون انا اصلي مبدخلش النت
    كتير ومليش خلق للكتابة والحاجات دي

    والنوعيه دي تنقسم الى قسمين:
    1- يا اما يبقى لحوح ويفضل يطلب نفس الطلب وصباح الملل
    2- يا اما يبقى عنده عزة نفس وميلحش بس هيتعصب وهيقولك اعمليلي بلوك

    المرحلة التالته : ( الي قاعد على النت ليل نهار)
    ده بقى شرحه يطول وينقسم لعدة انواع

    1- المقموص

    ده بقى قاعد وحاطط ايده على زرار الزعل اي حاجة تقوليها تبقي بتقصديه
    او بتقللي من شانه وبعد كام مرة كلام ممكن يقولك اديني نمرة تليفونك
    ولما تعتذري هيقولك انا هحترم رغبتك وهيركبلك الوش الخشب ومن وقت
    للتاني هتاخدي البلوك ف
    وشك فنصيحه من اولها كده اديله بلوك وديليت

    2- ابو دم خفيف
    ده شلل مركز ومتعرفيش مين الي خدعه وقاله ان دمه خفيف وكل كلامه قفشات
    وضحك والمفروض انك تكوني مجامله وتضحكي بس منصحكيش تيجي على اعصابك

    3- المودي
    دي بقة شخصية بتتنوع كل يوم على حسب المود وهتحسي انك بتكلمي واحد
    عنده انفصام ف الشخصية النهاردة رزين وعاقل وبكرة لاسع وبعد يومين رخم
    وبعدها كيوت وفريندلي طبعا الحكايه مش ناقصة
    جنان كفايه الي الواحد فيه

    4- اللزقه
    والنوع ده عايز حزم ف التعامل معاه لأن كل كلامه انتي فين ؟ بتتاخري
    في الرد ليه؟ انتي بتكلمي حد ؟؟ ياعم وانت مالك بتتحشر ليه ......ولو
    قلتيله ثواني هيقولك ليه رايحة فين؟ متتاخريش ... ايه ده انتي لسه
    مجيتيش ؟؟؟

    5- الناصح
    صباح الصداع مع كل جمله هتقوليها هتاخدي نصيحة وفيه عرض خاص قولي
    جملتين وخدي اربع نصايح العرض مستمر حتى نفاد الكمية ........ولو على
    منتدى او جروب كده هتلاقيه بيقولك ليه حطيتي التوبيك ده وليه شيلتي
    الصورة دي وحطيتي التانية انا انصحك انك تخليه يحصل اخواته الي فاتوا
    يعني بلوك وديليت

    6- الحبيب
    انا فيا جاذبية وكل البنات بتعجب بيا ....... ايام ما كنت ف الكليه
    كنت عامل ازمه والبنات بتتخانق عليا...... المصيبة بقى ان اي جمله
    هتقوليها هيفهم ان انتي معجبه اصله مش بمزاجك هتحبيه يعني هتحبيه

    7- حريقة بنات
    ده بقى لو في منتدى او جروب تلاقيه مركز على كل البنات ومبيعملش
    اي حاجة تانية غير كده الكوميدي بقى لما يتلخبط ويعتقد ان الأسم ده
    انثوي ويندمج وبعدين يطلع واحد صاحبه

    من اول الأسم والسن واي معلومة خدتيها كدب في كدب ومتعرفيش ليه ده بقى
    انصحيه وخليه يغير اسمه على الماسنجر ويخليه مسيلمة الكداب

    9- العبيط
    ده هتلاقيه على طول حاطط صورته وذنب عليكي تتفرجي ويشيل الصورة دي يحط
    التانية وكل شوية يفتح الكاميرا مع نفسه

    10- بابا اوبح
    ده ممكن يكون على النت من سنة 96 واتخرج واشتغل واتجوز وجاب عيال ولسه
    قاعد يتعرف على بنات وكل ما يكلم واحدة يقنعها انه مش متجوز وبيدور
    على عروسة وصباح السرحان ولو جربتي كل يوم تدخليله بايميل غير التاني
    هتسمعي قصة حياته كل يوم مختلفة
    ويارب محد يزعل مني وتضحكوا من قلوبكم
    avatar
    NADO
    عضو ممتاز
    عضو ممتاز

    مزاجى :
    البلد :
    ذكر الاسد الديك
    عدد المساهمات : 205
    نقاط : 433
    السٌّمعَة : 2
    تاريخ الميلاد : 19/08/1981
    تاريخ التسجيل : 14/05/2009
    العمر : 36
    الموقع : كل قلب مكسور
    العمل/الترفيه : دمعه علي الخد
    المزاج : حــــــــــــــزين

    رد: انواع الشباب على الويب

    مُساهمة من طرف NADO في الجمعة يوليو 30, 2010 4:55 pm

    تسلم ايدك علي التوبيك بس انتي بهدلتي الشباب اوووووووووووووووووووووووي
    avatar
    بوسي كات
    عضو مميز
    عضو مميز

    مزاجى :
    البلد :
    انثى الدلو التِنِّين
    عدد المساهمات : 175
    نقاط : 628
    السٌّمعَة : 2
    تاريخ الميلاد : 17/02/1988
    تاريخ التسجيل : 11/06/2010
    العمر : 29

    رد: انواع الشباب على الويب

    مُساهمة من طرف بوسي كات في الجمعة يوليو 30, 2010 8:45 pm

    بالذمه مش يستهلوا
    ميررررررررررررررررررررسي كتيررررررررررررررررر لمرورك الجامد

    [ندعوك للتسجيل في المنتدى أو التعريف بنفسك لمعاينة هذا الرابط]

      الوقت/التاريخ الآن هو الإثنين أكتوبر 23, 2017 4:23 am