الفرق بين موبايل البنت وموبايل الولد

اكيد طبعا كلنا معانا موبايلات

هعرفكم الفرق بين موبايل الولد وموبايل البنت
من حيث النغمات والخلفيات والرسايل وخلافه

موبايل البنت

بالنسبه للنغمات

بطمنك
الليله دى
خليك معايا
قد الحروف
اخبارك ايه حبيبي

ناس بتعرف تسمع اغانى بجد

اما بالنسبه للخلفيات

دباديب

قلوب

مناظر طبيعيه تفرح

ناس عندها ذوق

اما بالنسبه للرسائل

طبعا كلها رسائل حب

وحاجه كده كلها مشاعر واحاسيس

معدومه عند ناس اصحابنا

اما بالنسبه لحاله الموبايل

الموبايل بتاعهم كانه لسه طالع من الكرتونه

نصيحه للشباب
اللى عاوز يشترى موبايل
يدور على واحده بتبيع موبايلها


اما بقي موبايلات ا لشباب
الله لا يوريكم
بالنسه للنغمات


الدنيا خربانه
المولد
انتى دنيا
الليل والشوارع
يا خاينه
اركب الحنطور


وطبعا الشباب بيطبقو حكمه
لولا اختلاف الاذواق لبارت الاغانى
ياريتها كانت بارت واستريحنا


الخلفيات

طبعا بيحطو مناظر طبيعيه تهبل
ايشى بركان لسه منفجر
مناظر تسونامى
اشكال تموت من الرعب

على اساس ان لما يجى حد يمسك الموبايل
يتخض فيسيبه وميلعبش فيه
وجهه نظر برده

اما بالنسبه للرسائل

طبعا دى بقى مقدرش اقول فيها حاجه

دي مجرد عينة منها

اهديك ثلاث وردات ورده مليانه حب
وورده مليانه وفا
وورده مليانه نحل يقرصك اذا نسيتني!!!


عيونك مثل عيون النسر
وصوتك مثل صوت البلبل
وجسمك مثل جسم النمر
ببساطه انت اغرب حيوان!!!


تيجي فجأه على بالي
اضيع ويتشقلب حالي
واجري على بصله واقول
ريحة الغالي!!!



حبنا مش غلطه
انا صقر وانتي بطه
انا كتاب وانتي شنطه
انا قلب وانتي جلطه!!!


الساعه 4 الفجر تفتح الشباك وتقول بحبك
حيرد عليك الصدى ويقلك روح نام يااهبل!!!


انتا الجمال انتا الدلال انتا العشره منك بريال!!!


لو خيروني بين حبك وبين مال قارون
هاختار مال قارون
اسف الحياه اصل صعبه قوى!!!


اما بالنسبه لحاله الموبيل

فحاجه كده زى متقول دى عدد متجمعه
يعنى الموبيل عباره عن كذا عده فى بعض
وده طبعا من كتر الرمى
من اى حته فى اى حته لاي حد
واهي تعتبر موبيلات على ما تفرج

نصيحة
اللى عاوز يشترى عده من شاب
ميفكرش انها هتقعد معاه اكتر من اسبوع وتبوظ
لانها بتبقى متلصمه


مع انى شوفت موبايل ولد الاغانى مش بيئة اوى كده

والخلفيات جامدة والرسائل ماكنتش كده خالص

بس مش كله

تحياتى